By: Ibe Chiemezie (MEX)
Level: 1
(1 votes, average: 5.00 out of 5)
Loading...
E don tey wey we don dey hear say e go better
Say dem go give us light, good road and water
E don tey wey dem don dey promise and fail
Dem steady dey nack us join cross with nail
“Make una Vote me every thing go dey all right”
Na so we gather vote, from morning reach night
But things still dey fall apart like knot wey no tight
When last we see water for tap? E don tey
When last we see fuel for motor? E don tey
Naijiria jagajaga, e don tey wey Idris sing am
Till today dem still never repair am
E don tey wen dem dey play us like chess
Dem siddon ontop our head dey mess
E don tey we mama dey cry
Papa dey vex sey pocket dry
E don tey wey we youths dey ask why
We gofament too dey yarn plenty lie
E don tey wen I start to write poem
About this Agbada men dem
E don tey wen i taya for the mata
But me no go rest until dem reason the mata!
Me I go still yarn
Like Eldee , me I go speak my mind
(1 votes, average: 5.00 out of 5)
Loading...
Ibe Chiemezie (a.k.a Mex Konceptz) is a doctor by day and a poet by night! He sees medicine and poetry as inseparable tools for human transformation.
